ANDREA
“ANDENG, iakyat mo na muna ang mga gamit ni Doktora sa kwarto niya…” utos sa akin ni Manang Fely nang hindi pa rin ako tumitinag sa aking kinatatayuan.
Wala. Nakatulala na naman kasi ako kay Doktora habang nag-uusap sila ni Manang Fely. Nakalimutan ko na maliligo pala ako at magbibihis dahil basang-basa ang damit ko at galing pa ako sa paglangoy sa dagat.
“Andeng?” muling tawag ni Manang Fely sa aking pangalang. Narinig ko naman siya noong una niyang binanggit ang pangalan ko pero ewan ko ba at ayaw mag-function ng utak ko para sumagot sa kanya.
“Andrea? Are you okay?” si Doktora na mismo ang nagtanong sa akin.
Na siyang nakapagpabalik sa katinuan ko. “O-opo… O-okay lang ako…” nauutal pang wika ko. Nahihiya na akong tumingin sa kanya. Kanina nakatitig ako kasi hindi naman sa
