ANDREA
AS PLANNED, maaga kaming umalis ni Teresa para pumunta sa Maynila. Hindi namin ginising sila Manang Fely at Candice pero nagulat na lang ako nang maaga rin silang nagising at tumulong na maghanda para sa aming pag-alis.
Sangkatutak na mga fresh fruits at gulay ang pinabaon ni Manang Fely sa amin.
Pagkatapos naming maiayos ang mga dadalhin namin sa likod ng sasakyan ay nagpaalam na kami sa mag-lola. Inirapan lang ako ni Candice noong nagpaalam ako sa kanya. Mukhang kulang pa ang tulog ng bata.
Nasa daan na kami at as usual si Teresa ang nagmamaneho. Tahimik naming binabaybay ang daan nang magsalita ito.
“Kung gusto mo ay matulog ka muna diyan. Gigisingin na lang kita kapag nakarating na tayo sa Maynila,” anito.
“Hindi. Okay lang. Nakatulog naman ako nang maayos.” Sumulyap ako s
