“MAHUSAY ka talaga, Xander. Pareho kayo ni Felipe na walang kupas sa paglalaro ng golf,” puri kay Xander ni Mrs. Kho. “Dapat kasi ay sumali na kayo sa tournament.”
“Matagal-tagal na ho kasi kaming walang practice ni Tito, eh,” nakangiting sabi niya. “Anyway, nag-e-enjoy naman ho kami kahit hindi kami kasali sa mismong tournament.”
Nasa isang golf and country club sila sa Tagaytay. Inimbita sila ni Mrs. Kho sa golf tournament na in-organize ng ginang para sa birthday ng asawa nito. Ang mga Kho ay isa sa mga matalik na kaibigan ng pamilya Javier at investor din nila ito sa kompanya.
Pagkatapos makipag-usap kay Mrs. Kho ay nilapitan niya si Lianne. Nakaupo ang dalaga sa harap ng isang lamesa at pinanonood ang mga naglalaro.
“Hey,” nakangiting untag niya rito.
Tiningnan siya nito at matip
