Endiyah’s POV
Mahigpit na hawak ni Mrs. Treveno ang kamay ko habang nakaupo kami sa harap ng kabaong ng mga magulang ko. Simula ng yakapin niya ako kanina ay hindi na niya ako binitiwan pa. Si Lola Elena naman ay pumasok sa kusina pagkatapos niyang silipin ang kabaong ng mga magulang ko. Naroon din ang ilang mga tiyahin ko sa kusina at naghahanda ng pagkain para sa mga nakikiramay, kaya naman pumasok na rin doon si Lola Elena kasama ni Ate Tina.
Si Ethan naman ay lumabas saglit kasama si Francis. Sinabihan pa niya ako na hindi siya magtatagal. Tumango lang ako sa kaniya dahil nahihiya ako sa Mama niya. Mabait si Mrs. Treveno, mala angelic ang mukha na puwede kong ihalintulad kay Amy Adams.
“Endiyah, Iha. Huwag mong isipin na nag-iisa ka. You’re part of our family since you and Ethan a
