"Good morning po, Maam Miracle!" masiglang bati ni Elsa. Nagisnan ko ito kanina nang magising ako na nakaupo sa tabi ng kama habang nagre-review. Hindi na rin naman ako nagtaka pa dahil alam kong si Marcuz ang nagpapunta rito upang marahil ay bantayan ako.
Ngumiti ako at lumapit dito saka ko ito marahang tinapik sa ulo. "Good morning, Elsa. Kumain ka na ba?"
Umiling ito habang may ngiting nakapaskil sa labi. "Hindi pa po. Pero nagtanong po kanina si Kuya Lindon kung gising na raw po kayo at kung ano raw po ang gusto ninyong kainin. Pero dahil tulog pa po kayo, kaya sabi ko po ay mamaya na lang. Pero---" Sandali itong tumigil sa pagsasalita at umiwas ng tingin na para bang may nais itong sabihin ngunit nadadaig lamang ng pag aalinlangan.
"May gusto ka bang sabihin, Elsa?" Ngumiti ako at
