“ANO na naman bang plano mo, Shawn?” nagtatakang tanong ni Brayden sa kaniya. “Akala ko ba ay okay naman na kayo ni Bella.” Kasalukuyang silang nasa conference room nang itinayo nilang restaurant.
“Oo nga pero gusto ko pa ring bumawi sa kanila ni Shan, lalo na kay Bella,” tugon naman niya. “Kaya sundin niyo na lang yung sinabi ko na isara niyo na muna yung buong restaurant at i-set up niyo para mamayang gabi. Gusto ko solo namin yung buong restaurant at may surpresa ako sa mag-ina ko.”
“Bakit ba naman kasi biglaan ‘yan, hindi man lang natin napaghandaan at hindi man lang nakapagbigay advisory sa mga customers,” naiiling na wika naman ni Brayden.
“Sige na, minsan lang ‘to! Saka ang tagal kong hinintay si Bella, alam niyo naman ‘yon, bonus pa na kasama si Shan,” nakangiti pang saad niya.
