PAGLABAS ni Bella nang law firm ay tumunog naman ang kaniyang cellphone, agad niya iyong sinagot.
“Hello, Ma? Bakit po?” bungad niya habang naglalakad papuntang coffee shop sa tapat ng Magtanggol Law Firm.
“Tapos na kaming kunin ang lahat ng mga gamit mo, naroon nga si Shawn at pinipigilan ako,” ramdam naman niya sa tinig nito ang kaunting inis.
“Pero nakuha niyo naman po ang lahat pinapakuha ko?” nababahalang tanong niya sa ina.
“Oo, napagsalitaan ko nang hindi maganda, eh, kaya hindi na niya ako hinarang pa. Aba’y iniyakan pa nga ako, baka akala niya ay madadaan niya ako sa mga ganoong drama niya pagtapos nang lahat ng ginawa niya sa ‘yo,” galit na sumbong pa nito kaya napabuntong-hininga na lamang siya. “Tapos ka na ba riyan? Dadaanan ka na namin nang makasabay ka na.”
“Hindi na, M
