“BAKIT ang dami mo namang dalang gamit?” nagtatakang tanong ni Brayden kay Shawn dahil kasalukuyang siyang nasa harapan ng inuupahang bahay nito.
“May buyer na ‘yong bahay ni Bella kaya kailangan ko ng umalis do’n, pwede bang dito na muna ako sa ‘yo habang hindi pa ako nakakahanap ng matitirhan ko?” malungkot na tugon niya sa tanong nito.
“Hay! Grabe na talaga ang galit ni Bella sa ‘yo sagad na hanggang buto. Mukhang gusto niya talagang tuluyan ka nang gumapang sa hirap,” naiiling na wika nito nang makapasok na sila sa loob.
“Nauubusan na nga ako ng pag-asa, hindi ko na rin nagawang pakiusapan pa ‘yong mga kliyente namin na kahit tapusin na lang yung mga projects. Talagang gusto na nilang i-terminate yung kontrata.”
Umupo siya pasalambak sa sahig ng tinitirahang iyon ni Brayden, malii
