MAAGANG pumasok si Sariah sa opisina nila kinabukasan, dahil kailangan niyang makahanap ng kopya ng email address ni Bella.
“Good morning, Sariah, ang aga mo yata ngayon,” bati sa kaniya ng guard ng gusaling iyon.
“Opo, Manong, marami po kasi akong aayusin,” tugon naman niya rito saka nagmamadaling pumasok sa loob ng kanilang opisina. Pagpasok niya ay nagkagulatan sila ni Shawn.
“Ang aga mo yata,” pag-iwas na wika nito sa kaniya.
“Ah, opo, may aayusin po sana akong mga files ngayon.”
“Sige, aalis na rin ako. Mag-iikot pa kasi ako sa mga site,” saad naman nito pagtapos ay mabilis na kinuha ang mga gamit na nasa upuan nito.
“Sir Shawn, iniiwasan niyo po ba ako?” diretsong tanong niya sa lalaki, nag-aalangan naman itong lumingon sa kaniya.
“Kailangan kong gawin ‘yon dahil ayokong mawa
