Buo na ang desisyon ni Sariah, itutuloy niya ang plano pero hindi na para masakitan pa si Bella kundi para tuluyang makuha ang pagmamahal ni Shawn. Para sa kaniya ay hindi matatapos ang laban na iyon sa ganoon na lamang.
Hindi na niya kailangan ang natitirang litratong hawak niya kaya naman hinanap niya iyon sa mga gamit niya upang itapon dahil gusto na lamang niyang ituon ang plano sa pang-aakit na gagawin kay Shawn. Ngunit kahit saang panig ng tintirhan niyang iyon ay hindi niya iyon matagpuan.
Pero sigurado akong dinala ko ‘yon.
Paniniguro niya sa sarili dahil tandang-tanda niya na dala niya ang envelope na iyon. Sa katunayan ay naipadala na nga niya ang unang envelope kay Bella, ibinukod niya ang envelope na iyon dahil iyon sana ang ipapadala niya para sa ikalawang lebel ng kaniyang
