"Paano ko malalaman kung ito ba talaga ang kahilingan nila?" Tanong ko.
"Mag antay ka, Talisha. Mag antay ka ng tatlong araw at magbabalik ako upang sabihin kung ito ba talaga o dikaya'y kung may nais ipasabi ang dyos at dyosa." Aniya kaya ako tumango.
Ayoko mang mag antay ay wala akong magagawa. Hanggang ngayon ay hindi ko pa rin alam ang ibig sabihin ng 'kill' o kung ano ba ang nais nitong iparating.
"Upang hindi na madagdagan pa ang paghihirap niyo'y dito na kayo dumaan. Sabihin na lang nating isa itong tulong mula sa dyos at dyosa." Sabi niya atsaka tumingin sa madilim na parte ng kweba. Kahit anong gawin kong pagtingin dito ay wala talaga akong makita.
"Alam kong kinukwestyon mo na ito, Talisha. Ang lugar na iyan ay lagusan patungo sa ninanais talaga ng iyong puso."
"Anong ibig m
