“SO… what’s your story?”
Hindi naging handa ang sarili ni Iñigo sa katanungang iyon ng dalaga. Parkiramdam tuloy niya’y mas lalong bumibilis ang t***k ng kanyang puso at nadagdagan ang kabang nararamdaman sa bawat salitang binitawan ni Marga na maaaring maging sanhi ng pagkatuklas ng totoo niyang pagkatao. Sa kauna-unahang pagkakataon, isang kliyente niya ang nagtanong ng personal sa kanya. Dapat ay sanay na siya roon… pero hindi. Iyon kasi ang unang beses na may nagtanong tungkol sa kanyang pagkatao at si Marga pa.
Napatigil siya sa pagputol ng karne gamit ang kubyertos at ibinaba ang kamay sa mesa. Dalawang kurap at pagkagat sa ibabang bahagi ng labi ang unang naging tugon niya. Kailangan niyang umisip ng magandang kuwento tungkol sa kanyang sarili upang nang sa ganoon ay hindi na magt
