“HELLO, Marga. It’s been a long time.” Halos mawala sa ulirat si Marga nang magtagpo ang mga mata nila ni Angelo. Hindi niya alam kung bakit sa tuwing magtatangka itong lumapit sa kanya ay palagi na lang ganoon ang nagiging reaksyon ng katawan niya. Para bang kapag nakikita niya ang dating kasintahan ay halos tumalbog ang puso niya sa kaba.
Ganoon pa rin ang epekto nito sa kanya. Tunay ngang kahit anong gawin niyang paglimot sa binata ay hindi magiging ganoon kadali ang lahat. It was a traumatazing experience for her. Pero kailangan niyang mapaglabanan ang lahat.
“H-Hey! Kumusta?” Mapaklang ngumiti ang dalaga. Hindi nito magawang makatingin nang diretso sa dating kasintahan. Mukhanh kailangan na naman yata niya ang presensya ng alak sa pagkakataong ’yon para mawala ang kabang nararamda
