******
Elaine
******
Mistulang isang magandang panaginip ang buhay ni Elaine. Kahit hindi niya nakilala kung sino ang ama, masaya siyang namumuhay sa piling ng ina na isang nurse sa Hermosa Private Hospital.
Napatingala siya at nakita ang mapuputing ulap sa kalangitan. Napakaganda ng panahon. Akmang-akma para sa kaarawan ng kaniyang ina ngayon. Sumilay ang matamis na ngiti sa kaniyang labi dahil sa sorpresang kaniyang inihanda. Nasisiguro niya na labis itong matutuwa.
Kagagaling lamang niya sa labas para bumili ng simple nilang mapagsasaluhan; isang maliit na cake, isang bilaong pansit at pritong manok. Pagkapasok niya sa loob ng bahay na pamana ng kaniyang lola, saglit niya 'yong inihanda sa mesa. Sinindihan na rin niya ang kandila sa may altar at saglit na um
