Mula sa mga isinend na pictures ni Sam sa website ng Killer Society, napansin ni Nick na pamilyar ang pangangatawan ng lalaki, kaya muli na naman itong nagkahinala. Inilagay nito sa gait analyzer ang mga larawan at 'yon ang resultang lumabas.
Nabalot ng nakabibinging katahimikan ang buong computer lab.
"Kaya ba hindi na nagpakita si Dexter Natividad kay Sam kasi...nabiktima na siya ni Chef Alicia?" bulalas ni Angel na madarama sa boses ang kaba.
Halos magtayuan naman ang balahibo ni Mia dahil sa natuklasan nila.
[Guys, I'm still here.] Mensahe 'yon ni Calvin.
[What are you talking about? Sinong bibiktimahin ni Chef Alicia?]
Wala namang tumutugon dito dahil lahat sila abala na sa muling pag-check sa mga bakas na maaaring naiwan ni Dexter Natividad sa soci
