***
Napapailing na lang si Timothy nang dumaan sa VIP room ni Calvin. Wala roon ang pasyente, at ang mismong silid, mukhang hindi naman parte ng ospital kung 'di tambayan ng mga kabataang wala yatang ibang magawa sa kanilang weekend.
"Ano bang ginagawa ninyo at 'di pa kayo nagsisipag-uwi? Mabuti, hinahayaan lang kayo rito?" bulalas niya saka naman siya napatingin kay Rachel.
Bakit pa siya nagtanong?
Ang ina nito ang nagmamay-ari ng one fourth shares yata ng Diamond Empire Hospital.
"Kuya, kumusta? Nakausap mo ba si Chef Alicia patungkol doon sa doktor niya?" usisa ni Mia na nilapitan ang kapatid.
Napabuga si Timothy sa hangin habang nakapamaywang. "Ang sabi niya, sa phone lang sila nakakapag-usap. Pero, everynight daw silang nagkakatawagan. Kaya nga balak kong ipa-che
