Nag-aagawan na ang liwanag at dilim sa kalangitan nang napagpasyahan ng grupo nina Mia na muling bumalik sa unibersidad. Maingat silang dumaan sa lihim na lagusan sa likod ng Horizon University-- ang bahaging naitatago ng mayayabong na halamanan at 'di naman gaanong pansinin.
May kailangan pa silang gawin lalo't ngayon, nahanap na ang katawan ng pugot na ulong napanood nila mula sa unang video na ipinadala ni Lady Bug. Kasalukuyan pa ring inaalam ng pulisya ang pagkakakilanlan niyon.
Pero, siyempre, hindi sila magpapahuli. Kailangan pa rin nilang matagpuan kung saang bahay naganap ang naroon sa video, dahil base sa mga larawang ipinadala ng kapatid ni Mia, hindi 'yon ang mismong tahanan ni Ms. Rowena Santos.
May clue naman na sila. Posibleng nakapalibot lang din dito ang bikt
