Pagkatapos ng klase ni Mia, inaya na siya ni Angel papunta sa bahay nito. Hindi pa raw kasi nito nakukuha sa pinsan ang hihiraming costume. Ilang beses na siyang tumanggi. Pero sa huli, natalo siya ng matinding convincing prowess nito.
Hindi niya kilala ang pinsan nito, pero ayon sa kaibigan, taga-ibang department daw iyon na ubod nang yabang porke't matalino. Sa ibang bansa nagtatrabaho ang ina nito, at dahil ayaw maiwang mag-isa sa bahay, kaya sa ngayon ay roon ito nakatira sa kanila.
May kalakihan ang bahay ni Angel na may tatlong palapag. Malawak at maaliwalas ang paligid. Mapaghahalataan na mahilig sa halaman at bulaklak ang parents nito dahil pagpasok pa lamang nila sa loob, sumalubong na sa kanila ang mala-greenhouse na parte ng bahay.
Makikita ang iba't ibang
