Iritable si Nate habang sinusundan niya ang matulin na pangangabayo ni Henry. Napakabilis nitong magpatakbo at nababahala ito na baka mahulog siya sa kanyang pagsakay. Dahil kinausap ni Henry ang mga guide na huwag silang alalayan, kinailangan niyang matuto agad upang makasabay sa kanyang roommate.
Nang makuha na ni Nate ang ritmo ng indayog ng pagsakay sa kabayo ay unti-unti na itong nagkaroon ng lakas ng loob na pabilisin ang kanyang pagtakbo. Ilang minuto pa ay nakabisado na niya ang pagsakay nito at naabutan si Henry. Sinabayan niya ang kanyang roommate at kapwa nila pinunan ng tawanan ang makitid na daan na ginawa sa gitna ng mga nagtatayugang mga Pine Trees sa loob ng Camp John Hay. Pinagsaluhan nila ang bawat agos ng oras ng puno ng galak sa piling ng isa’t isa. Lalong sumidhi ang
