TUMULOY ang dalawa sa mall. Inaya naman muna ni Lucas si Gabby na magmeryenda na muna na sinang-ayunan nito. Kahit paano, nalihis ang bigat sa dibdib ni Gabby at napapatawa siya sa mga biro at kwento ni Lucas dito.
“Anyway, Ate. Saan ka nga pala nagtatrabaho niya'n?” tanong ni Lucas dito habang kumakain silang magkaharap.
“Wala pa e.”
“Ha?”
Ngumiti si Gabby na umiling. “Nagtatrabaho ako dati sa Madrigal's hospital dito. Pero isang araw kasi, dumating iyong dating kasintahan ko na nabaldado dala ng aksidente. Siya ang inalagaan ko muna sa apartment kaya nag-resigned ako sa hospital. Pero ngayon kasi, umalis na siya. Tumuloy na siya sa America at doon magpapagamot. Nahihirapan kasi akong alagaan siya lalo na't mag-isa ako. Kaya napagdesisyunan niyang sa abroad na lang magpagaling. Si
