“Did you see her?” Napatingin ako sa manager ko na nagtatanong.
“Who? Kapag hayop siya, nakita ko na, Ma’am,” biro ko. Natawa siya sa sinabi ko. Maya-maya, nakita kong tumabi sa akin si Belle.
“Balita ko napagalitan siya ng manager niya. Nagsagutan nga raw sila sa office kanina.” Napakunot ang noo ko. Iba talaga ang ugali niya, masyado siyang bastos. Ay, oo. Bastos talaga siya.
“Masanay na kayo sa ugali niya,” sabi ko. Hanggang ngayon, masakit pa rin ang loob ko sa ginawa niya.
Tinrabaho niya ang lahat para hindi ako makasama sa event. Ginawa niya ang lahat para maiwan ako at hindi makasali.
“Gissele? Alam mo na ba ’to?” Napakunot ang noo ko sa tanong ni Ma’am Alyssa.
Pinakita niya ang phone niya. May picture doon si Mariella na may kahalikan na isang sponsor. Nagulat ako sa nakita k
