Kinabukasan, maaga akong ginising ni Ford. Akala ko naman ay uuwi na kami kaya niya ako ginising, pero sinabi niya na mamamasyal kami. Pumayag na rin ako, tutal, gusto ko rin malibot ang probinsiyang ito.
Sumakay kami sa owner-type jeep na hiniram niya sa isang magsasaka. Habang nagdi-drive siya, ako naman ay natutulog. Ilang araw na akong hindi nakakatulog nang maayos, pero dahil ngayong kasama ko si Ford...pakiramdam ko, kalmado na ulit ako.
Gusto ko sanang makita ang paligid pero dahil madilim pa naman ay hindi ko rin naman makikita nang maayos ang kapaligiran. Mas pinili kong matulog na lang muna.
Nagising ako nang kumaldag nang malakas ang sasakyan. Mumurahin ko sama ang nagdi-drive pero binalewala ko na lang dahil nakita kong mas nakakaagaw ng atensiyon ang paligid. Maliwanag na r
