Matapos ko siyang kausapin kagabi at mag-iiyak sa kaniya sa plano niyang pag-alis nang hindi ako kasama ay umuwi ako kaagad. Marami ulit texts at missed calls si Rex sa akin pero sinabi ko sa kaniya na sa susunod na lang kami mag-usap dahil pagod ako sa trabaho at hindi ko kayang makipagtalo sa kaniya if ever, dahil base sa texts niya ay nagagalit na naman siya sa hindi ko pag-reply at pagsagot sa mga tawag niya.
Kinabukasan, noong gabi, ay muli akong dumiretso sa bahay nila Ford. Muli ay hindi ko siya naabutan doon, at muli akong nakaramdam ng kaba noong sinabi nilang hindi na naman nagpaalam si Ford.
Paano kung maulit na naman 'yung nangyari noong huling beses na umalis siya nang walang paalam?
Mabilis akong pumunta sa kuwarto niya para maghanap ng kung ano na makakapagsabi kung saan
