Ngayong magkasama kami sa Ihaws at nag-iinuman ay 'yon na ulit ang pinag-uusapan namin. Sigurado na talaga siya, at alam kong wala nang makakapigil sa kaniya.
Kahit ako.
Pero hindi ko naman na siya binalak pang pigilan. Pagod na ako. Pagod na akong iparamdam sa sarili kong wala akong kuwenta at hindi ako kamahal-mahal.
Tinanggap ko na rin.
"Tulungan mo ako kapag isu-surprise ko siya, ha Timmy?" sabi niya habang kumakain kami ng isaw.
Ngumiti lang ako nang bahagya. "Oo ba. Kailan mo ba balak?"
"Sa sixth anniversary namin. April 10."
Expected ko man na nalalapit na ang proposal niya, hindi ko pa rin inasahang ganoon kaaga.
"April 10? T-That was three weeks from now." I chuckled. "Parang siguradong-sigurado ka na talaga, ah?"
Bakit ba ako nagtatanong ng mga bagay na alam ko naman na
