[Samantha]
Malungkot siyang umiling. “Gustuhin ko man, Troy, pero hindi ko kaya. Ayokong lokohin ang sarili ko at paniwalain na kaya kitang mahalin. Hindi pa talaga ito ang tamang panahon para buksan ang puso ko sa iba… hindi ko pa talaga kaya.” Mas mainam na ang ganito kaysa ang paasahin niya ito.
“Siya pa rin ba?” Bigla ay nag iba ang timpla ng mukha ni Troy. Napakadilim ng mukha nito at tila naging mabangis na hayòp kaya bahagya siyang napaatras.
“I’m sorry.” Hingi ng paumanhin ni Troy bago bumuga ng hangin. “I was talking about your ex. Nabanggit kasi sa akin ng mama mo na may ex kang manloloko at muntik kang gawan ng masama noon. Kung ako sa’yo ay kalimutan mo na sila, Samantha. You deserve to be happy… at magiging masaya ka lang sa akin.”
Sobrang kaba ang nararamdaman ng dibdib n
