[Samantha]
Nilagay niya si Troy sa blacklist niya sa cellphone at gano’n din si Mila. Iiwasan nalang niya ang dalaga sa trabaho. Sayang dahil itinuring pa naman niya itong kaibigan.
Nakangiting gumanti siya ng halik kay Zandro ng ihatid siya nito. Kung no’ng una ay iniisip niya ang iisipin at sasabihin ng iba, ngayon ay hindi na. Wala siyang inagaw at nilandi dahil wala naman ibang nobya si Zandro kundi siya lang. Hindi niya pinakinggan at pinansin ang usap-usapan tungkol sa kanya— Na alam niyang si Mila ang nagkalat.
Pareho silang huminto ni Mila ng magkasalubong silang dalawa. At katulad kahapon ay napakasama ng tingin nito sa kanya. Nang lagpasan siya nito ay hindi nakaligtas sa mata niya ang mga pasa nito na pilit nitong tinatago sa paghila ng suot nito manggas na suot.
Napahawak
