[Samantha]
Walang kabuhay-buhay na nakatingin siya sa wedding dress na nasa kahon. Kung kay Zandro ito galing ay baka nagtatalon pa siya sa tuwa habang isinusukat ito.
Kaso galing ito sa demonyóng si Troy.
Lumabas siya ng bahay para magpahangin at para gumaan sana ang bigat ng dibdib niya. Pero nakita niya si Mila kaya mas lalo lang siyang naimbyerna. Kasama ito ni Troy habang todo ngising nakatingin sa kanya na tila inaasar siya.
Kung wala lang si Troy ay baka nasapak niya ito sa mukha.
Gusto niyang iiwas ang mukha nang hahalikan siya ni Troy, pero hinawakan nito ang pisngi niya ng madiin at tumingin sa kanya ng may pagbabanta, kaya naman si Mila ay lalong napangisi.
Parang tuwang-tuwa pa ito sa ginagawa sa kanya ni Troy!
Nakakakilabot ang dalawang ‘to. May relasyon ang mga ‘to pe
