[Samantha]
Marahan niyang hinilot ang batok habang nakatingin sa pagkain na nasa harapan niya. Inabot sa kanya ito ni Mila. Galing daw kay Troy.
Tatlong araw na siyang pinapadalhan ng pinsan ni Mila ng pagkain. Tumatanggi siya at hindi ito tinatanggap. Ayaw niya kasi na magbigay ito ng dahilan para umasa sa kanya ang binata.
“Sinabihan ko talaga si Troy na damihan dahil napapansin ko na palagi kang wala sa sarili at matamlay. Kailangan mo ng masustansyang pagkain para healthy ka palagi!” Ngiting-ngiti na umupo si Mila sa tabi niya. “Ang bait ng pinsan ko, noh? Kahit busy siya sa tungkulin niya ay hindi ka pa rin niya nakakalimutan. Saka talagang inaalala niya palagi ang kalusugan mo.”
“Mila, ayaw kong umasa ang pinsan mo kaya tigilan mo na ang pagreto mo sa kanya.” Mukhang mabait nama
