GONE
"Do you think it's a good idea? Iyong pagpapakulong mo sa kanya?" Binasag ni ina ang katahimikang bumabalot sa apat na sulok ng silid na kinaroroonan namin. Nakaupo ito sa pang-isahang sofa, si Miranda ay nakapamaywang na nakatayo sa gilid ni ina, samantalang ang mga bata ay nasa itaas at namamahinga.
Bumuntong hininga ako at itinuon ang atensyon sa aking mga daliri.
"Tama naman siguro ang ginawa ko diba? Iyon ang nararapat. Kailangan pagbayaran nya ang mga kasalanang nagawa nya. Sa ganong paraan ay baka mapatawad ko pa sya." Wala sa sariling saad ko. Nagpabalik-balik sa aking isipan ang mukha ni Sebastian kanina. Ang panggigilid ng kanyang mga luha. Hindi maalis sa dibdib ko ang pangamba. Pangamba sa hindi ko alam kung bakit o kung sa anong dahilan.
"Hanggang ngayon ba ay matind
