SEBASTIAN'S CRUELTY: His love. His cruelty.
Napakagandang pagmasdan ang asul na asul na kalangitan, gayon rin ang napakalinis na karagatan. Sumasabay ang aking buhok sa daloy ng preskong hangin na dala ng mga hampas ng alon na animo'y musika sa aking pandinig. Pumikit ako at humugot ng isang malalim na buntong hininga bago nagmulat ng mata at tipid na napangiti. Hinubad ko ang sapin sa aking paa at pinakiramdaman ang pino at puting-puti na buhangin.
"Hindi ka ba papasok muna, anak?"
Hindi na ako nag-abala pang lingunin si ina. Lumapit ako sa dalampasigan at inilublob ang aking paa sa tubig-dagat.
"Ang mga bata ma?"
"Nauna na sa loob at magbibihis na raw para makaligo na." Aniya. Pagod akong tumango.
Napakabagal ng panahon para sa isang taong naghihintay. Binabalik-balikan ko ang h
