MAX
“Max!”
Napalingon ako sa tumawag sa akin si Roman.
Pauwi na ako ngayon at kalalabas ko lang ng kwarto kung nasaan ang mga locker room namin. Medyo maaga ang out ko ngayon dahil hindi ako nag-overtime.
“Bakit?” nagtatakang tanong ko sa kaniya.
“Birthday kasi ng anak ko ngayon. May kunting handaan, gusto mo bang sumama?” nakangiting tanong niya sa akin.
Mas lalo akong nagtataka sa kaniya. Bakit hindi niya sinabi sa amin kanina ni Cecille noong kasabay namin siya sa lunch?
Ngumiti ako sa kaniya.
“Pasensya ka na, may lakad kasi ako ngayon,” tanggi ko sa kaniya.
Mas nauna na akong umu-oo kay Warren. Saka bayad iyon kaya talagang sasama ako. Sayang naman ang ibabayad niya sa akin.
“Ganoon ba?”
“Next time na lang kapag—”
Hindi ko natapos ang sasabihin ko nang biglang may umakbay
