Tinatanawan ni Mimi si Jordan papalayo papunta kila Ate Sheila niya at sa pamangkin niyang si Gabriel. Hindi na ulit lumingon si Jordan at dire-diretso na ito na tumungo papunta sa batang si Gabriel. Nang malapit na kay Gabriel agad itong niyakap ng bata. At si Sheila naman ay hinimas ang ulo ng aso.
“Jordan!" masayang sambit ng bata at niyakap ang aso.
“Halika ka na, bumalik na tayo." sambit ni Sheila, habang hinawakan niya sa isang kamay si Gabriel upang akayin habang ang aso nakasunod sa kanila. Pero ilang sandali lang ay huminto ang aso at lumingon kay Mimi.
Napahinto rin sa paglalakad si Sheila at ang kanyang anak. Tumingin din sila sa direksyon kung saan nakatingin si Jordan. Subalit wala silang makita na dalawa kung ano ba ang nilingon, ni Jordan at tiningnan bago pa sila makaba
