Daphne
Gabi na nang makarating ako sa bahay at naabutan ko na wala si Zach. Noong tinanong ko si Ate Perlah ay sinabi niyang lumabas na raw si Zach kanina pa. Napatango naman ako at nag-iinat dahil ang sakit ng aking balakang pati ang aking mga kamay. Ginagawa ko ito habang paakyat ako ng hagdan nang maalala ko na ngayong wala si Zach ay pwede akong maghalungkat sa kanyang mga gamit total ay umaga naman na siya dumarating. Ang study room kasi ni Zach ay nasa pinakadulong parte ng mahabang hallway sa kaliwa ng hagdan. Sumilip ako mula sa hagdan at saka sinilip na rin si Ate Perlah.
“Ate Perlah?” tanong ko pero walang sumagot kaya sigurado ako ay baka abala na siya at hindi niya malalaman na papasok ako sa study room ni Zach.
Dahan-dahan akong bumaba muli ng hagdan at saka patakbong p
