“Gusto mo pa?” tanong ni Patrick, iniangat ang bote ng tequila, hindi man lang naghihintay ng sagot. Diretsong nilagyan ulit ang baso ni Graciella kahit hindi pa siya sumasagot. “Last na ’yan. Baka malasing ka.”
Napangisi si Graciella, sabay taas ng kilay. “Hindi pa ba ako lasing kanina noong nakita mo ako?”
“Napansin ko nga,” sagot nito, may bahid ng amusement sa mga mata. “Why?” may halong pagtatanong at pag-aalala ang tingin nito, parang gusto niyang sumilip sa likod ng maskarang suot niya.
Napatungo siya, sinisinghot ang singaw ng alak bago uminom. “Let’s just say na I’m already tired of taking every s**t people throw at me.” Bumigat ang boses niya habang naglalabas ng hinanakit. “I’m tired of being just me. Of being nice and proper. I’m tired of being the good girl everyone wants.”
