SINAMANTALA ni Graciella na lumabas muna saglit ang pinsan para makapag-shower siya. Kanina pa siya nanlalagkit at hindi mapakali sa pakiramdam dahil sa init at halumigmig ng paligid. Kahit naka-aircon ang cabin nila sa Pleasure Island, ramdam pa rin niya ang lagkit ng pawis sa balat. Kaya’t hindi na siya nag-atubiling dumiretso sa banyo.
Binuksan niya ang gripo ng tub at hinayaang mapuno ito ng maligamgam na tubig. Pagkatapos ay dahan-dahan siyang lumubog doon. Napapikit siya habang ramdam ang pagyakap ng tubig sa kanyang katawan, para bang hinuhugasan ang lahat ng stress at alikabok ng byahe. Sa ilang minutong pagkakababad niya, halos nakalimutan niya ang lahat—ang biyahe mula helicopter, ang kaba sa unang araw nila sa isla, at ang matinding pagod sa byahe mula Maynila.
Ilang minuto pa
