Graciella never felt so uncomfortable. Kanina pa niya ramdam ang pares ng matang nakatitig sa kanya mula sa kung saan. Mainit, matalim, at parang hinuhubaran siya ng tingin. Pilit niya iyong iniwasan, ibinaon ang sarili sa pakikipag-usap sa kaibigan, pero kahit anong pilit, ramdam niya pa rin ang bigat ng presensyang iyon. Ang kinatatakutan niya—na baka pamilyar ang may-ari ng mga matang iyon—ay unti-unting bumabalot sa dibdib niya.
Mula nang pumasok siya sa resto para tapusin ang lunch meeting kasama ang matalik na kaibigan na si Dany, hindi na siya mapakali. Sa umpisa, inakala niya na baka guni-guni lang iyon dala ng pagod, pero habang lumilipas ang oras, lalong lumalakas ang kutob niya. Lalong bumibilis ang t***k ng puso niya sa bawat sandaling nararamdaman niya ang hindi matinag na ti
