“Valerie!” sigaw ni Mommy pagkapasok niya sa aking kuwarto.
Nanatili naman akong nagtutulog-tulugan para hindi ako gisingin ni Mommy. Sigurado na naman ako kung bakit ginigising na naman ako ni Mommy nang maaga. Paniguradong dahil na naman kay Gillean.
“Wake up, Valerie! Iyong manliligaw mo nasa labas ng bahay!” mariing wika ni Mommy at bahagya akong tinapik sa aking balikat para lamang gisingin.
Sinubukan ko pang galingan ang aking acting para kahit papaano ay tumigil na si Mommy sa kagigising sa akin. Hindi ba niya alam na ilang araw na akong hindi nakakatulog dahil kay Gillean?
Paano naman kasi ako makakatulog nang maayos kung palagi akong ginugulo ni Gillean?
Hindi na siya nakukuntento na nakikita niya ako sa tawag pero pati sa personal, guguluhin niya ako. Ang gusto ko lang naman
