Isang linggo na ang nakalipas at salamat naman ay naging maayos na ang panahon. Kakatapos lang namin sa activity na ginawa ng mga bata, groupings 'yon kaya medyo magulo ang mga upuan.
Akala ko ay mag-isa na lang akong nasa classroom pero nagkamali ako. Nakita kong nag-aayos ng upuan si Alex. Napangiti ako at ganon na rin ang ginawa ko.
"Very good, Alex." Napatingin siya sa akin at ngumiti.
"Thank you po. Can I leave na po?"
"Yes pero may susundo na ba sayo?"
"I don't know po."
"Okay, sige sabay na lang tayo."
Isinara ko na ang pintuan ng room at sabay na kaming naglakad. Tahimik lang siya habang naglalakad. Si Alex ay napakabait niya masunurin din at gwapo. Kapag lumaki 'to siguradong maraming magkakagusto sa kaniya.
"Thank you po ulit!" sabi niya nang sumakay na siya sa service
