Tiniis ni Mark na hindi puntahan si Alex nang araw na iyon at ibinaling na lang niya ang buong atensiyon sa trabaho. Paminsan-minsan natutukso siyang buksan ang cell phone niya pero pilit niyang nilalabanan ang sarili. Pagkatapos ng trabaho, dumiretso siya sa bahay pero okupado pa rin ni Alex ang isip niya. Hanggang sa hindi na siya nakatiis at binuksan niya na rin ang cell phone niya. Sunod-sunod ang notification mula sa voicemail niya, nakailang beses pala siyang tinawagan ng dalaga. Sunod-sunod ding dumating ang mga message nito kaya mariin siyang napapikit sabay buga ng hangin.
Wala pang isang oras natagpuan na niya ang sariling nakatayo sa harapan ng apartment ni Alex bitbit ang ilang supot ng pagkain. Naabutan niya itong himbing na himbing sa pagtulog sa sofa.
"Hay! hindi na nam
