Binuksan ko ang mga mata ko. Agad naman akong napansin ni Jherlyn at Pinky kaya agad silang lumapit sa akin. Inalalayan nila akong umupo sa kama at inalok ng pagkain.
"Tatlong oras kang tulog, bes. ‘Wag kang mag-alala, na excuse ka naman ni Jason at Jhe sa klase niyo," ani Pinky.
Marahan akong tumango. "Salamat," sagot ko at halos walang lumabas na boses sa akin. Siguro dahil sa pagsigaw ko ito kanina.
"Dalhin na kaya natin siya sa hospital?" biglang singit ni Larry na nasa clinic din at nakaupo sa couch. Kumakain siya ng lumpia at hawak niya iyon sa dalawa niyang kamay.
"Ayos namana raw siya sabi ng school Doctor, hindi na kailangang dalhin sa hospital," bored na sagot ni Jherlyn kay Larry na agad namang sumimangot. Tumango na lang din ako dahil ayaw ko rin namang pumunta pa sa hospit
