"Nababiw na ata ako. Like, bakit ko naman iisipin na nagseselos si Zage ‘di ba? Imposibleng magkagusto sa akin ang isang ‘yon.
Hindi naman sa sinasabi kong hindi ako kagusto-gusto kasi alam ko naman sa sarili ko na may ibubuga ako kahit wala akong dibdib na katulad ng kay Criza. Hindi ko kasi alam kung saang lupalot ng mundo 'yon na-traffic. Minalas lang talaga ako at hindi agad dumating sa maagang panahon pero kahit naman maliit itong dibdib ko, alam kong maganda ako. Sadyang alam ko lang kasi sa sarili ko na hindi ako ‘yong tipo ng babae na magugustuhan ni Zage kasi iba ang standards niya sa babae.
Speaking of malas. Malas nga ako ngayong araw. Una, nakita ako ni Zage na naka bra lang, pangalawa nasabit ang tsinelas ko sa puno tapos ngayon, hindi ako makapag-swimming kasi mayroon ako.
