Hindi ko alam kung inaantok lang ba ako o baka dahil sa ginawang paghalik sa ‘kin ni Minho kanina o dahil sa biglang pagdating ni Zage kasi wala na ako sa sarili ko. Namalayan ko na lang na dahan dahan akong naglalakad ngayon sa stage at nirarampa ang gown ko na pinasadya pa ni Jason sa isang designer.
Ang sumunod na nangyari ay nasa stage na kaming lahat at pumipili na ang mga judges ng mga pasok sa top five. Lima ang kukunin sa lalaki at gano’n din sa babae. ‘Yong mga kasama ko kinakabahan na kasi baka hindi sila makapasok habang ako rito nayayamot na at gusto na lang umuwi. Pero bago ang pagpili ay nagbigayan muna ng award at nakuha ni Criza ang title na Ms. Photogenic. Hindi ko na alam ang iba pero nakakuha ako ng Best in Sports Attire. Pagkatapos no’n ay tinawag na ang pasok sa To
