"Nasa’n nga pala ang iba?" tanong ko sa kanila. Naka-PE pa rin kami 'yon nga lang ay naka-tsinelas lang ako kasi hindi ko nga nahanap ang taenang sapatos ko kanina. Kapag nalaman ko kung sinong kumuha no’n ipapakalbo ko talaga sila kay Sir Klavo.
"Si Jherlyn, umalis. Hindi naman nagpaalam kung saan pupunta pero mukhang nagmamadali. Si Zage naman, bigla ring umalis kasama si Minho at hindi rin namin alam kung saan pumunta. Si Kevin at Larry nasa gym, gusto ka nga nilang makita kaso inutusan sila ni Ma'am," sagot ni Jason.
"Nalaman ba nila 'yong tungkol sa 'kin?"
Tumango siya. "Syempre! Ang bilis lumipad ng tsismis, girl! Nakita ko nga kung paano nagulat si Fafa Zage nang malaman niya 'yon tapos bigla na lang siyang tumakbo paalis. Akala ko pupuntahan ka niya pero mukhang hindi."
Napasi
