"ANAK, NASAKSIHAN KO ang paglaki mo ng dalawang mga mata ko. Malalawak ang kinabukasan na naghihintay sa 'yo dahil sa determinansyon at pagpupursige mo. Alam na alam kong kaya mong malayo ang mararating mo," ani ni Ina habang nakangiti.
Gamit ang dalawa niyang kamay, hinawakan niya ang aking pisnge at ginawaran ako ng masuyong halik sa aking noo. Ramdam ko ang pagmamahal at pagkalinga sa halik na 'yon. Ngunit kahit ganito kalambing ang aking Ina sa kanyang mga ikinikilos, alam ko na ang lahat ng ito ay pawang pabalat lamang. Hindi kapareha sa kanyang aksiyon ang isinisigaw ng kanyang puso.
Alam kong sa loob-loob niya sobrang gusto niyang manatili ako at mamuhay kasama siya. Pero alam ko rin na ayaw niyang maging balakid tungo sa mga gusto kong gawin sa aking buhay. Gusto niyang maging ma
