Chapter 19: Ang Unang Bitak
Isang linggo matapos ang nakaka-kilig na tagpo sa ilalim ng ulan, mas naging madalas na ang pagkikita nina Lia at Marco. Kung dati’y chat lang ang paraan nila para magkamustahan, ngayon ay parang naging parte na sila ng isa’t isa sa araw-araw.
Si Marco, sa tuwing may delivery malapit sa condo ni Lia, palaging may dahilan para dumaan. Minsan dala niya’y pandesal, minsan ay simpleng yakult, pero ang totoo, kahit tubig lang ang bitbitin niya ay sapat na para maramdaman ni Lia na espesyal siya.
Ngunit gaya ng lahat ng bagay, dumadating din ang mga sandali na sinusubok ng pagkakataon ang kanilang pinipilit buuin.
“Lia, may emergency meeting kami bukas. Hindi ko matatanggi kasi kailangan ko ng dagdag hours para makabayad ng tuition,” seryosong mensahe ni Marco isa
