CHAPTER 26
Hindi naging makatao ang kanilang pag-aresto. Hindi ako lumaban kasi iniisip kong lalala lang ang lahat bukod sa may mga baril pa sila. Malaki ang naging epekto nang ginawa kong iyon kay Damon. Natutunan kong matakot para ilabas yung talagang ako. Namatay si Tatay, nawala si Nanay at ngayon ay napipintong mabulok sa bilangguan dahil sa maling paggamit ko ng kakaiba kong lakas. Kung gagamitin ko ito muli sa mga pulis, lalong lalaki ang aking problema at siguradong magiging kalaban ang tingin sa akin ng lahat. Hindi ako makapapayag na lalaki pa ang aking problema.
Inaresto akong duguan ang aking mukha. Pinagtitinginan ako ng lahat ng aming mga nadaanan. Nagbubulungan ang lahat ng aming nilagpasan. May mga nagulat. May mga mukhang natakot. Para akong isang nahatulan nang kriminal
