Chapter 35
Mula sa aking kinatatayuan ay unti-unti ako humahakbang paatras, bumabalik sa kalagitnaan ng mga naipong tao. Hindi pa man ako nakakalayo ay lumabas mula sa loob ng karinderya ang isang pamilyar na tao.
Agad na bumalot ang kaba sa aking pagkatao, nang makita ko kung sino ang lumabas mula sa loob ng karinderyang pinapasukan ko, ang atensyon ko ay sa kanya lang nakatuon, hinihiling na sana huwag syang lilingon sa gawi ko. Kahit na napupuno na ng mga tao ang unahan ko ay malinaw pa rin ang mukha ni Rage sa mata ko. Takot at pangamba ang nararamdaman ko. Para bang kapag nakita nya ako ay katapusan na ng buhay ko.
Mabilis akong umalis sa lugar na iyon ngunit saktong pag kilos ko ay may nabangga akong tao, nanlaki ang mata ko sa aking nakita.
" A-anong.. ginagawa mo dito " tanong
