❀⊱Amy's POV⊰❀
"Okay ka lang ba? Kanina ka pa tahimik at parang kay lungkot mo naman. May problema ka ba?" Tanong ni Cynthia, ramdam ko ang boses niya na may halong pag-aalala habang nakatingin sa akin. Nasa departure area kami ng airport. Nilingon ko siya at ngumiti ako ng matamis para naman hindi siya mag-alala lalo pa at paalis na siya.
Malungkot naman talaga ako dahil paalis na siya papuntang Japan. Nagpapaalam na siya sa amin ngayon dahil kailangan na raw niyang pumasok sa loob para sa boarding. Tahimik lang kasi ako kanina pa, pero hindi dahil sa wala akong masabi, kung hindi dahil pinipilit kong iproseso sa utak ko kung ano ba talaga ang nangyayari kay Calix dahil parang ibang-iba siya ngayon, tapos aalis pa itong kaibigan ko na madalas kong kausap sa amin, kaya sama-sama na ang
