LUISEE
Hindi agad ako nakapagsalita sa sinabi ng kapatid ko.
Umiiyak parin si Haru? Pero bakit kailangan pa niyang dumaan dito sa bahay?
"T-talaga? A-anong oras?" tila nagkaroon ako ng excitement ng marinig ko iyon. Tila nagliwanag ang madilim kong mundo ng marinig ko na dumaan sa bahay si Haru.
"Kanina lang anak. Isang oras na ang nakalilipas bago kayo dumating ni Earl." Sagot ni tatay na nasa bungad na ng pinto.
"Ano po ang sabi n'ya?" tanong ko.
"Nagpaalam lang siya sa amin. Babalik na raw siya ng Maynila. Umiyak nga ang kapatid mo ng sinabi ni Haru na uuwi na siya." Sabi ni tatay.
Muli kong binalingan ang kapatid ko. Naging malungkot ang mukha nito. Tulad ko rin ba ito na nalulungkot dahil aalis na si Haru?
"Gusto ko si Kuya Haru, ate." Malungkot na turan nito. Tila may n
