BUWAN ang lumipas.
Milyon kaagad ang nagastos ni Elena sa pagpapagamot ng kanyang ina. Araw't gabi na naroon ang kanyang ama sa pagbabantay. Samantalang siya naman, hindi niya maiwasang bilangin ang perang nasa bangko.
Nababahala siya sa isiping mauubos kaagad ang pera niya dahil sa sitwasyon ng kanyang ina.
Lalo siyang namomroblema at hindi pa nagigising ang kanyang ina, iyon ang labis na ikinakabahala nilang mag-ama. Ngunit tiniyak naman ni Dr. Ramula Sy, na magiging maayos ang kalagayan nito.
Walang kaso kay Elena na maubos ang lahat ng nasa kanya, basta gumaling lang ang kanyang ina. Iyon ang pinakamahalaga sa kanya.
Ang ikinakabahala niya, walang katiyakan kung kailan ito gagaling. Nag-aalala siya sa perang mayroon siya.
Kung magiging sapat ba ang perang naipon niya sa loob
